"Paxtakor" o‘rtoqlik uchrashuvida "Metallurg"dan ustun keldi

Superligada yuzaga kelgan tanaffusdan foydalanayotgan jamoalar o‘zaro o‘rtoqlik uchrashuvlarida maydonga tushmoqda.

Amaldagi chempion "Paxtakor" o‘z maydonida "Metallurg" bilan bahs olib bordi. O‘yin poytaxtliklarning 3:1 hisobidagi g‘alabasi bilan yakunlandi.

"Sherlar"ning polshalik hujumchisi Pshemislav Banashak dubl qayd etdi, Dragan Cheran bir marotaba darvozani ishg‘ol etdi. Bunga bekobodliklar Abdumannonovning goli evaziga bir marta javob qaytardi.