"Пахтакор" сафига келиб қўшилган польшалик ҳужумчи ким ва у Сергeевнинг ўрнини боса оладими?

Тошкентнинг "Пахтакор" клуби поляк форварди Пётр Пажишек билан шартнома имзолади. У клубнинг энг яхши тўпурари Игорь Сергeев ўрнини эгаллаши керак, Сергeев эса Эроннинг "Персеполис" жамоасига кўчиб ўтган.

Пажишек 32 ёшда ва шартнома йил охиригача амал қилади. Унинг сўнгги клуби Финляндиянинг "КуПС" бўлиб, у жамоага чемпионатни ютиши ва УЕФА Конференциялар Лигаси плей-оффига чиқишда ёрдам берди. Гуруҳ босқичида Пажишек уч муҳим гол урди, жумладан "Кристал Пэлас" дарвозасига ҳам гол киритди.

Қизиқ факт: форвард плей-офф учрашувларидан аввал жамоани тарк этди. КуПСда эса жамоани қайта қуриш ва молиявий имкониятларни баҳолаш ишлари бошланган эди.

Пажишекнинг карераси сермаҳсул. У Италиянинг "Фрозиноне", Испаниянинг "Леганес", Англиянинг "Чарльтон" клубларида ўйнаган. Нидерландия чемпионатида эса у учта жамоа билан Ередивизи даражасида иштирок этган. Польшада "Пяст Гливице" билан чемпионликни қўлга киритди ва клубнинг энг яхши тўпурари бўлди.

Пажишекнинг бўйи 191 см бўлиб, у марказий ҳужумчи ҳисобланади. Шундан ташқари, у голли пасларни ҳам амалга оширади ва зарурат туғилса ҳимояда ҳам ҳаракат қилади. Финландия матбуоти "КуПС"дан унинг кетишини жамоанинг ҳужумдаги асосий қуроли йўқолиши сифатида баҳолади.

Финландия клубларида маошлар чекланган. Футболчилар одатда йиллик 200 минг евро атрофида маош олади. Пажишек эҳтимол 10–12 минг евро ойлик олган. Ўзбекистонда эса унинг маоши 17–20 минг евро атрофида бўлади.

"Пахтакор"да Пажишек Сергeев ва, қисман, Бриан Риаскос ўрнини эгаллайди. Камолиддин Тожиев раҳбарлигда клуб ҳужумга эътибор қаратган ва марказий ҳужумчи қанотлардан уйиштирилган ҳужумларни якунига етказиш ва гол уршда муҳим рол ўйнайди.

Жамоада ҳозир Пажишекка деярли рақобатчи йўқ. Фақат унга Рустам Турдимуродов кураш таклиф қилиш мумкин.

"Шерлар" таркибида шундан ташқари, Ироқдан икки футболчи: ярим ҳимоячи Башар Ресан ва ҳимоячи Заид Тахсин бор. Регламентга кўра, Тошкентликлар яна икки чет эллик футболчи билан шартнома имзолаш имконига эга.

Ўтган мавсумда "Пахтакор" Суперлигaда кумуш медални қўлга киритди ва мамлакат кубогини ютиб, ОЧЛ-2 турнирда иштирок этиш ҳуқуқини қўлга киритди.