"Пахтакор" йирик ҳисобдаги ғалабага эришди

Ўзбекистон Coca Cola Суперлигаси 15-туридан ўрин олган "Бухоро" - "Пахтакор" учрашуви ўз якунига етди. Унда номинал меҳмонлар 4:0 ҳисобидаги ғалабага эришди.

Шу тариқа, "шерлар" ҳисобидаги очколар 38 тани ташкил этиб, биринчи ўринга янада мустаҳкам жойлашиб олмоқда.

• 90'
  

  Учрашув якунланди! Матнли трансляцияни Абдулвосид Валихонов олиб борди.

• 90+'
  

  Учрашув асосий вақтига 2 дақиқа қўшиб берилди.

• 89'
  

  ГООООООООООООООЛЛЛЛЛЛЛЛ!!! Черан ҳам ўз ҳисобига гол ёздириб қўймоқда.

• 88'
  

  Сафоев Дердийокнинг бирга-бир вазиятдан тепган тўпини қайтаришга эришди.

• 87'

  "Бухоро" футболчиси жарима майдони ташқарисидан анча ноаниқ зарба йўллади.

• 86'
  

  Суюнов бухороликларнинг яна бир хавфли ҳужумини қайтаришга муваффақ бўлди.

• 85'
  

  Машариповнинг соло юриши офсайд сабаб голсиз якунланадиган бўлди.

• 81'
  

  Ҳамробеков ўрнига Исмоилов ҳаракат қилади.

• 80'

  "Бухоро" яхши вазиятга эга бўлди. Дарвозабон билан бирга-бир чиқиб борган футболчи имкониятдан фойдалана олмади.

• 77'
  

  ГОООООООООООООООЛЛЛЛЛЛЛЛ!!! Акром Комилов ҳисобни йирик кўринишга олиб кетди. Зафар Сафоевнинг сирпаниб кетиши якунда қимматга тушди.

• 74'

  "Бухоро"нинг жарима зарбаси Суюнов томонидан қайтарилди.

• 70'

  Собирхўжаев Садриддин Абдуллаевга ўрнини бўшатиб берди.

• 67'

  Бхороликлар ҳимоядан чиқиш ҳақида ўйламаяптилар, чоғи.

• 64'
  

  Шунингдек, Алижонов ўрнига Комилов майдонга тушди.

• 62'
  

  Сергеев ўз ўрнини Дердийокка бўшатиб берди.

• 59'
  

  Фомин ўрнига Зоҳир Пиримов майдонга туширилди.

• 58'

  Тошкентликлар ҳужум қилишда тўхтамаяпти.

• 55'
  

  Машариповнинг бурчакдан узатган тўпини шериклари дарвозага йўллай олмади.

• 54'
  

  Фоминга тиббий ёрдам кўрсатилмоқда.

• 54'

  Машариповнинг узатмаси ўтмади. Ҳимоячи тўп йўлини тўсишга эришди.

• 52'
  

  Жўраев ўрнига Неъматов майдонга тушди.

• 50'

  Сергеевнинг бош билан берган зарбаси ноаниқ кетди.

• 48'
  

  Ҳасанов ва Абдуллаев ўрнига Саъдиллоев ва Алижонов майдонга туширилди.

• 46'
  

  Иккинчи тайм бошланди!

• 45'
  

  Биринчи бўлим якунланди.

• 45+'
  

  Биринчи бўлимга 1 дақиқа қўшиб берилди.

• 45'
  

  Сафоевдан дабл сейв. Дастлаб Черан, кейин эса Машарипов томонидан берилган зарбалар қайтарилди.

• 42'

  Ҳамробековнинг жарима майдони ташқарисидан берган зарбаси ноаниқ кетди.

• 40'

  Ҳакимовнинг қанотдан узатилган тўпга бош билан берган зарбаси дарвоза устуни ёнгинасидан ўтиб кетди.

• 37'

  Иззатилла Абдуллаевнинг жаримадан тепган тўпи дарвоза юқорисидан ўтиб кетди.

• 35'
  

  ГОООООООООООООЛЛЛЛЛЛЛЛ!!! Машарипов жарима майдони марказида тўпни қабул қилиб олиб, осонлик билан дарвозага жойлаб қўйди.

• 31'
  

  ГОООООООООООЛЛЛЛЛЛЛЛ!!! Сергеев ҳисобни очди. Машарипов уни бўш дарвоза олдида қолдирди.

• 30'

  "Пахтакор"нинг жарима зарбаси пайтида Кримец ҳимоячига нисбатан қўполлик ишлатди. 

• 28'

  Азиз Ибрагимов қанотдан узатилган тўпга бош билан зарба берди. Аммо тўп анча ноаниқ кетди.

• 24'

  Ҳакам футболчиларга салқинланиб олиш учун имконият тақдим этмоқда.

• 21'
  

  Чераннинг жарима майдони марказидан берган зарбасини Сафоев қайтаришга эришди.

• 19'
  

  Одил Ҳамробеков сариқ карточка олди.

• 16'
  

  Фомин майдон марказидаги қоидабузарлик учун огоҳлантирилди.

• 14'

  Сидиқовнинг қанотдан узатган тўпига биринчи бўлиб Зафар Сафоев чиқиб келди.

• 13'

  Сергеев қулай имкониятдан фойдалана олмади. Деярли бирга-бир вазиятда ҳужумчи ноаниқ зарба берди.

• 11'
  

  "Пахтакор"нинг голи Кримецнинг ўйиндан ташқари ҳолатда қолиб кетгани учун инобатга олинмади.

• 8'

  Сидиқов офсайдда қолиб кетгани сабаб "шерлар"нинг ҳужуми тўхтатилди.

• 6'
  

  Сидиқов амалга оширган бурчак зарбаси ҳам ҳимоячилар томонидан қайтарилди.

• 5'

  Алижоновнинг узатмасига Черан етарлича зарба бера олмади.

• 2'
  

  Бурчакдан узатилган тўпни Черан узоқлаштирди.

• 2'

  Иззатилла Абдуллаев ўнг қанотдан кириб бориб, жарима майдони марказига тўпни етказиб бермоқчи бўлди. Ҳимоячилар тўп йўлини тўсишга эришди.

• 1'
  

  Ўйин бошланди!

• 0'

  Жамоа сардорлари тўп ва майдон масаласини ҳал қилиб олишди.

• 0'

  Жамоалар майдонга тушиб келишмоқда. Суперлига расмий мадҳияси янграмоқда.

• 0'

  Ассалому алайкум, Суперлига ихлосмандлари.