"Пахтакор"ни муҳим ўйин кутмоқда. Бўлажак учрашув олдидан статистика қандай?
"Пахтакор" бир ойлик танаффусдан кейин Суперлигада уй ўйинида 28 сентябрь куни АГМКни қабул қилишади. "Пахтакор" матбуот хизмати учрашувга оид маълумотларни тақдим этди.
Ҳозирга қадар чемпионатлар тарихида жамоалар 31 марта ўзаро тўқнаш келишган. 23 беллашувда "шерлар" ғалаба қозонган. 4 баҳсда дуранг қайд этилган бўлса, 4 марта Олмалиқ клуби зафар қучган. Тошкентликлар 56 тўп киритиб, 17 гол ўтказиб юборган. 7 муваффақиятни "Пахтакор" йирик ғалаба билан қўлга киритган. Пойтахтда кечган 15 ўйиннинг 10тасида мезбонлар устун келган. 4 тўқнашувда дуранг қайд этилиб, бир бор олмалиқликлар ғалаба қозонган. "Пахтакор" рақиб бу жамоа дарвозасига уйда 27 гол урган ҳолда 12 тўп ўтказиб юборган.
"Пахтакор" ва АГМК жамоалари ўртасидаги 20-тур ўйини 28 сентябрь, пайшанба куни соат 19:00да "Пахтакор" стадионида бошланади.
Фикрлар