"Pekin-2022" qishki Olimpiya o‘yinlari boshlanishiga roppa-rosa 1 yil qoldi

Yana bir yildan so‘ng, shu kuni Xitoyning Pekin shahrida navbatdagi qishki Olimpiya o‘yinlari start oladi. Tartib bo‘yicha XXIV bor o‘tkaziladigan O‘yinlar 2022 yilning 4-20 fevral sanalariga belgilangan.

Reglamentga ko‘ra, Pekin qishki Olimpiadasida 7 sportning 15 yo‘nalishida 109 ta medallar jamlanmasi o‘ynaladi. "Pekin-2022" dasturida eng ko‘p  medallar jamlanmasi konkida yugurish (14ta), fristayl (13ta) va chang‘i poygasi (12ta) bo‘yicha o‘ynaladi.

Ta’kidlash joiz, musobaqa mezboni Pekin ham qishki, ham yozgi Olimpiya o‘yinlarini o‘zida qabul qilgan dunyodagi ilk shaharga aylanadi. Umid qilamizki, terma jamoamiz sportchilari yaqin vaqt ichida qishki Olimpiya o‘yinlariga bir qator yo‘llanmalar olib, musobaqada yurtimiz sha’nini munosib himoya qilishadi.