Перес: "Реал" ҳеч қачон тўхтамайди"

Мадриднинг "Реал" клуби президенти Флорентино Перес жамоанинг футбол тарихидаги ўрни ҳақида фикр билдирди. У "қаймоқранглилар" эришган ютуқлар билан чекланиб қолмаслиги, клуб ҳар доим янги совринлар учун курашишда давом этишини таъкидлади.

"Бу ерда ҳеч ким таслим бўлмайди. Биз йил сайин, охирги дақиқагача курашишда давом этамиз. Мақсад — спорт тарихидаги энг бой совринлар жамғармасини янада кенгайтириш. Бу мерос айнан "Реал"га тегишли", — деди Перес.

Ҳақиқатан ҳам, мадридликлар ҳозирги кунга келиб Европанинг энг совриндор клубларидан бири бўлиб турибди ва Перес бошқарувида бу рўйхат янада бойиб бормоқда. Клуб президентининг баёноти жамоанинг ҳар бир мавсумда максимал мақсадлар учун майдонга тушишини яна бир бор тасдиқлади.

Айни пайтда Альваро Арбелоа бошқараётган жамоа Ла Лига жадвалида иккинчи ўринни эгаллаб турибди ва пешқадам "Барселона"дан 9 очко ортда қолмоқда. Шу боис, чемпионлик пойгасида ҳар бир тур "Реал" учун ҳал қилувчи аҳамият касб этмоқда.