PFL taqvimining bo‘yalmagan joyi qolmadi. “Qo‘qon-1912” - “Lokomotiv” o‘yini Toshkentga ko‘chirildi. O‘yin sanasi ham o‘zgardi

Ayni vaqtda Qo‘qon shahridagi stadionda ta’mirlash ishlari davom etmoqda. Shu sababli “Qo‘qon-1912” klubi o‘zining uy uchrashuvlarini Farg‘onadagi “Istiqlol” stadionida o‘tkazib kelyapti.

Qo‘qonliklar Superliganing 7-turi doirasida “Lokomotiv”ni qabul qilishi kerak edi. Mazkur bellashuv ikki tomon kelishuviga ko‘ra, Toshkentda o‘tadigan bo‘ldi. “Temiryo‘lchilar” ikkinchi davra o‘yinini safarda o‘tkazadi. Oldinroq ushbu bahs 3 may kuni Qo‘qonda bo‘lib o‘tishi belgilangandi.

Shu tariqa uchrashuv 2 may kuni “Lokomotiv” stadionida 18:30da start oladi. Avvalroq “Paxtakor” — “Metallurg” o‘yini 1 may kuni bo‘lib o‘tishi belgilangandi. Mazkur o‘zgarishlar Osiyo Chempionlar ligasida O‘zbekiston sharafini himoya qilayotgan klublarga qo‘shimcha qulayliklar yaratadi.

7-tur

1 may, chorshanba

18:30 PAXTAKOR — METALLURG

2 may, payshanba

18:30 LOKOMOTIV —QO‘QON-1912

4 may, shanba

17:30 NAVBAHOR — SO‘G‘DIYoNA

19:45 BUXORO — NASAF

5 may, yakshanba

17:20 ANDIJON — DINAMO

17:30 AGMK — SURXON 

19:45 QIZILQUM — BUNYoDKOR