Pioli "Milan"ning yosh futbolchilarini maqtadi

Stefano Pioli milanlik yosh futbolchilarning o‘yinidan mamnun. 

"Rossonerilar" bosh murabbiyi "Kalyari" bilan Italiya kubogi doirasida bo‘lib o‘tgan o‘yindan so‘ng (4:1) o‘z fikrlari bilan o‘rtoqlashdi. 

- O‘yin va natija kutganimizdan ham yaxshiroq bo‘ldi, deb aytmagan bo‘lardim. Yaxshi tarkib bilan tayyorgarlik ko‘rsangiz, yaxshiroq natijaga umid qilasiz. 

- Uchrashuv avvalida ayrim yigitlar biroz asabiylashdi. Biroq hisobni ochishimiz bilan, ish ancha osonlashdi. Bu futbolchilar juda ham iste’dodli. Shunday bo‘lsa-da, eng muhimi ular juda fidoyi. Bu "Milan" akademiyasi juda yaxshi ishlayotganini ko‘rsatadi. Ushbu jihat biz uchun katta muvaffaqiyat.