Пирло "Ювентус" ёки Италия терма жамоасида иш бошлаши мумкин

Кеча футболчилик фаолиятини якунлаган Андреа Пирло Туриннинг “Ювентус” клуби тизимида иш бошлаши мумкин.

La Repubblica нашри тарқатган хабарга кўра “кекса синьора” раҳбарияти 38 ёшли собиқ футболчига жамоа элчиси бўлишни таклиф қилган.

Шунингдек, Пирлонинг хизматларига Италия терма жамоаси ҳам қизиқиш билдирмоқда. Улар Пирлодан ЖЧ-2018 пайтида терма жамоага ҳамроҳлик қилишни сўрашмоқда.