Пирс Морган: Роналду ўзини энг яхшиси деб ҳисобласа-да, Мессини ҳар доим ҳурмат қилади

Таниқли журналист Пирс Морган 3 йил аввал Роналду билан бўлиб ўтган интервьюда айтилмаган гаплар ҳақида айтиб берди.

"Мен Криштиану билан жуда қизиқарли суҳбат қилдим, биринчи интервьюдан сўнг яъни уч йил аввал у билан кечки овқатда бўлдик. Жуда ажойиб суҳбат бўлди, мен уни шахс сифатида ҳам жуда ёқтираман.

Месси ҳақида жуда ҳурмат билан гапирди ва мен ундан "Сиз кўрган энг яхши футболчи ким? деб сўрадим.

Роналду Месси дея жавоб берди. Бунга қўшимча сифатида, сиз нотўғри савол беряпсиз. Сабаби, сиз мендан энг яхши футболчи кимлигини эмас, балки бошқа нарсани сўрашингиз керак эди. Ахир у ҳеч қачон ўз ўйинини жонли томоша қилмаган, дея гапирди. Бу гап эса мени кулдириб юборди.

Месси ва Роналду 18-19 йил давомида ўзининг энг яхши версиясини кўрсатди. Бу уларнинг ажойиб фидойилиги, мислсиз жисмоний тайёргарлиги ва албатта, уларнинг бир-бирига таъсири сабабли юзага келган. Икки юлдуз ҳам бир-бирини янада юқори марраларга етаклади. 

Месси ва Роналду ўртасидаги рақобат спорт тарихидаги энг буюк рақобатлардан биридир" – деди машҳур журналист.