Piter Xyuistra Sardor Rashidov, Sharof Muhitdinov va Aziz Turg‘unboev haqida gapirdi

Xabaringiz bor, kecha O‘zbekiston Superligasining 2021-yilgi mavsumiga qur’a tashlash marosimi bo‘lib o‘tdi. Unda ishtirok etgan Piter Xyuistra tadbirdan so‘ng, jamoaga yangi kelib qo‘shilgan futbolchilar haqida gapirib o‘tdi:

"Men ushbu futbolchilar jamoamga kelganidan juda ham xursandman. Ular har kungi mashg‘ulotlarda yuqori sifatli futbolchi ekanliklarini isbotlay olmoqda. Hozir ular tezkor ravishda jamoaga moslashib ketishlari muhim. Yangi futbolchilar biz qanday o‘yin xohlayotganimizni anglab olishlari lozim. Ular meni tinglamoqda, yaxshi tayyorgarlik olib boryaptilar va oldinda kutib turgan mavsum mobaynida bizga foyda keltira olishlariga ishonaman", - dedi "sherlar" bosh murabbiyi.