Почеттино “Реал” таклифига муносабат билдирди

АҚШ миллий терма жамоаси бош мураббийи Маурисио Почеттино Мадриднинг “Реал” клуби уни жамоанинг янги мураббийи сифатида номзодини кўриб чиқаётгани ҳақидаги хабарларга муносабат билдирди.

- Мен “Реал”нинг қизиқишидан руҳландимми? Ҳар бир нарсанинг ўз вақти бор. Футбол сизни қаерга олиб боришни ўзи ҳал қилади, - деди Почеттино.

Бу сўзларни Madrid Universal нашри El Chiringuito манбасига таяниб, Х ижтимоий тармоғида келтирган.

Аргентиналик мутахассис 2024 йилнинг сентябридан буён АҚШ терма жамоасини бошқариб келмоқда.

Почеттинонинг амалдаги меҳнат шартномаси 2026 йил июль ойи охиригача мўлжалланган.

Ҳозирда “Реал”нинг бош мураббийи Альваро Арбелоа ҳисобланади. У жамоани 13 январдан бери бошқариб келмоқда.