Португалияда Роналдунинг терма жамоада қолиши бўйича сўровнома ўтказилди

Pitagorica компанияси Португалия аҳолиси ўртасида Криштиану Роналдуни мамлакат терма жамоасига чақиришни давом эттириш керакми, деган савол бўйича сўровнома ўтказди. CNN Portugal маълумотларига кўра, сўровда иштирок этган 400 нафар респондентнинг фикри турлича бўлган.

Уларнинг 37 фоизи Роналдуни энди терма жамоага чақирмаслик керак, деб ҳисоблаган. 35 фоиз иштирокчи эса футболчининг терма жамоадаги фаолиятини давом эттириш тарафдори. Яна 25 фоиз респондент қарор Роналдунинг жисмоний ҳолати ва бош мураббий танловига боғлиқ бўлиши керак, деган фикрни билдирган.

Роналдунинг терма жамоадаги фаолиятини давом эттириш тарафдорлари энг кўп «Спортинг» мухлислари орасида қайд этилган. Бошқа маҳаллий клублар мухлислари орасида эса бу кўрсаткич пастроқ.

Шу билан бирга, сўровда қатнашганларнинг аксарияти Роналду доимий равишда асосий таркибда майдонга тушиши керак, деб ҳисобламайди. Атиги 10 фоиз респондент уни мунтазам равишда асосий таркибда кўришни истаган. 51 фоиз иштирокчи эса унинг майдонга тушиши рақиб, футболчининг ҳолати ва мураббий қароридан келиб чиқиб белгиланиши керак, деб ҳисоблайди.

Респондентларнинг 84 фоизи Жорже Жезушнинг терма жамоадаги фаолиятини давом эттириши тарафдори бўлган. Фақат 7 фоиз иштирокчи мутахассиснинг истеъфосини қўллаб-қувватлаган.

Шунингдек, Роналду ва Жезуш ўртасида танлов қилиш таклиф этилганда, 66 фоиз респондент мураббийни сақлаб қолиш тарафдори бўлган. Роналду қолиши учун Жезушнинг кетишини маъқуллаганлар улуши эса 19 фоизни ташкил этга