Пойтахтимиз яна бир нуфузли мусобақага мезбонлик қилади

“Универсал” спорт саройи мажмуасида ўтказилувчи ушбу мусобақа Учқун Муродов хотирасига бағишлаб ҳам ташкил этилмоқда. Очиқ кубок бўлгани учун мусобақада Осиё қитъасидан ташқари бошқа мамлакат дзюдочилари ҳам иштирок этишлари мумкин. Бу ҳақда Ўзбекситон Дзюдо Федерацияси матбуот хизмати хабар бермоқда.

Режага кўра, Осиё Очиқ Кубогида ўндан зиёд давлатдан спортчиларнинг иштирок этиши кутилмоқда. Ҳозирда нуфузли мусобақада юртимиз шарафини ҳимоя қилувчи дзюдочиларимиз машғулотларга зўр беришган.