Про-лига. 10 киши бўлиб ўйнаган "Бухоро" рақибдан устун келди

Про-лига 23-туридан ўрин олган "Бухоро" - "Хоразм" баҳси якунига етди. Мазкур беллашувда майдон эгалари 1:0 ҳисобида рақибдан устун келди. 

Рўзимбой Аҳмедов томонидан 4-дақиқада пенальтидан киритилган гол беллашув тақдирини ҳал қилди. 

40 очкоси бор бухороликлар айни вақтда Про-лига турнир жадвалида 3-ўринни банд этиб турибди. 34 очкоси бор "Хоразм" 4-поғонани банд этган. 

Қайд этиш лозим, 13-дақиқада мезбонлар аъзоси Миржалол Жумаев қизил карточка олиб, майдонни тарк этди.