Про лиганинг 11-турида ҳеч бир ўйин эфирга узатилмайдиган бўлди

Маълумки, Про лига учрашувлари “Futbol TV” ҳамда “UzReport” телеканаллари орқали жонли эфирга узатиб келинмоқда. Шу боис ҳар бир турда иккитадан ўйин эфирга олиб чиқилаётганди. Бироқ энди вазият бироз ўзгариб қолди. Бу борада ПФЛ матбуот хизмати шундай ёзади:

“Про лига 11-тур учрашувлари U-23 Осиё чемпионати давом этаётган вақтга тўғри келади. Қитъа чемпионати трансляцияси “UzReport” телеканали томонидан амалга оширилаётганидан келиб чиқиб, 11-тур беллашувларини телевидение орқали жонли эфирга олиб чиқиш режалаштирилмаган”.