ПСЖ 19 ёшли футболчи учун 100 миллиондан ортиқ пулни сарфламоқчи

RMC Sport журналисти Фабрис Хокинснинг хабар қилишича, 19 ёшли Жоау Невеш Луис Энрике ярим ҳимоясини кучайтириш учун асосий трансфер мақсади ҳисобланади. «Бенфика» ва ПСЖ вакиллари яқинда музокаралар олиб боришди.

Парижликлар учун муаммо Невешнинг трансфер нархи бўлиши мумкин - «Бенфика» тарбияланувчиси учун 100 миллион евродан кўпроқ олмоқчи.

Португалиянинг Евро учун рўйхатидан ўрин олган футболчи якунланган мавсумда 33 та ўйин ўтказиб, 3 та гол ва 1 та голли узатмани амалга оширган.