PSJ Enrike bilan futbol tarixida hali bo‘lmagan shartnomani imzolamoqchi

PSJ rahbariyati jamoa bosh murabbiyi Luis Enrike bilan futbol tarixidagi ilk umrbod shartnoma tuzish imkoniyatini ko‘rib chiqmoqda, deb yozadi AS.

Klubdagilar 55 yoshli ispaniyalik mutaxassisni ideal murabbiy deb bilishadi, shuning uchun u bilan tarixdagi eng yaxshi va eng qimmat shartnomani imzolashga tayyor. Murabbiyning klub bilan amaldagi mehnat shartnomasi 2027 yilgacha mo‘ljallangan.

Enrike Parij klubini 2023 yilning yozida qabul qilib olgandi. Uning qo‘l ostida PSJ ikki marta Frantsiya chempionligini qo‘lga kiritgan, ikki karra Frantsiya kubogi va mamlakat Superkubogi sohibi, 2024/2025 yilgi mavsumda Chempionlar ligasi va qit’alararo kubok g‘olibi bo‘lgan.