ПСЖ футболчиси Бразилия терма жамоасига ёрдам беролмайди!

ПСЖ клубининг марказий ҳимоячиси Маркиньос Марокашга қарши ўртоқлик ўйинида Бразилия терма жамоасига ёрдам беролмайди.

28 ёшли футболчи жароҳати сабаб яқинда ПСЖнинг “Брест”га қарши ўйинида ҳам иштирок эта олмаган эди. Geglobo нашри хабарига кўра, шанба куни Бразилия терма жамоаси шифокори Париж клуби вакиллари билан боғланган. Томонлар марказий ҳимоячи ҳали ҳам бетоблиги боис, яқин орада майдонга туша олмаслигига амин бўлишган.

Эслатиб ўтамиз, Бразилия ва Марокаш терма жамоалари учрашуви 26 март куни бўлиб ўтади.

Маркиньос жорий мавсум ПСЖ сафида 35 та ўйинда майдонга тушиб, 2 та голга ассистентлик қилди.