ПСЖ президенти: "Барселона" адолатли иш қилдими? Йўқ

ПСЖ президенти Носир Ал-Хелайфи "Барселона"нинг молиявий муаммоларини ҳисобга олиб, уларнинг ёзги трансфер ойнасида амалга оширган харидларига шубҳа қилди.

Ушбу ёзда каталонияликлар сафига Роберт Левандовски, Жюль Кунде, Франк Кесси, Рафинья, Андреас Кристенсен, Маркос Алонсо, Эктор Бельерин каби футболчилар келиб қўшилди.

“Адолатлими? Йўқ, бу адолатдан эмас. Бу қонунийми? Ишончим комил эмас. Агар уларга рухсат берилса, бошқалар ҳам шундай қилишади. Албатта, УEФАнинг ўз қоидалари бор. Улар, албатта, ҳамма нарсани ўрганадилар", - дея Ал-Хелайфининг сўзларини келтиради "Goal".