ПСЖ сафида бир дақиқа тўп сурган футболчига ҳам олтин медал тақдим этилади

ПСЖ ярим ҳимоячиси Хесе Родригес жамоа мамлакат чемпионлигини қўлга киритганлиги ортидан олтин медаль оладиган бўлди.

Эътиборли жиҳати, испаниялик хавбек парижликлар сафида жорий мавсумда битта ўйинда бир дақиқа майдонда ҳаракат қилган. Шундан сўнг, у "Спортинг"га ижарага бериб юборилган.

Аммо Франция чемпионати қоидаларига кўра, мавсум давомида камида бир дақиқа тўп сурган футболчига ҳам медаль тақдим этилади, дея хабар бермоқда AS.

Эслатиб ўтамиз, коронавирус пандемияси сабаб Франция биринчи дивизиони муддатидан аввал якунланди.