ПСЖ шармандали мағлубиятга учради

Европа Чемпионлар лигаси, Лига 1 ва Франция кубоги мусобақаларининг амалдаги ғолиби “Пари Сен-Жермен” мамлакат кубогининг 1/16 босқичида мусобақани тарк этадиган бўлди.

Луис Энрике шогирдлари ўз мухлислари кўз ўнгида ўтган пойтахт дербисида “Париж” клубидан минимал ҳисобда мағлубиятга учради. Ягона гол Иконе ҳисобига ёзилди.

Бу мағлубият пойтахтнинг икки жамоаси ўртасидаги қарама-қаршилик тарихида алоҳида ўрин эгаллади. Чунки ПСЖ ўз тарихида илк бор ҳамшаҳарлари олдида ожиз қолди.

Бунга қадар жамоалар ўзаро уч марта тўқнаш келган эди. Жорий мавсум Франция чемпионатининг 17-турида Луис Энрике шогирдлари 2:1 ҳисобида ғалаба қозонган. Яна икки учрашув 1978/1979 йилги мавсумда бўлиб ўтган ва ўшанда Франция олий дивизионидаги ўйинлар дурангнинг ҳар иккиси 1:1 ва 2:2 ҳисоби дуранг билан якунланган эди.

Шунингдек, “Париж” жамоаси Франция Кубогининг 1/8 финалига йўл олди, мусобақанинг амалдаги соҳиби ҳисобланган ПСЖ эса турнирдаги иштирокини кутилганидан анча эрта якунлади.