ПСЖ ва МЮ бир мураббийни кўзламоқда

Италия терма жамоаси бош мураббийи Роберто Манчини Европанинг гранд клублари диққат марказига тушди.

Football Italia нашри тарқатган хабарга кўра, 55 ёшли италиялик мутахассисга "Манчестер Юнайтед" ва ПСЖдан жиддий қизиқиш мавжуд.

Манчини 2018 йилдан буён Италия терма жамоасини бошқариб келмоқда. Унинг бошқарувидаги жамоа 20 та ўйиндан буён мағлубият нималигини билмаяпти. Робертонинг амалдаги шартномаси 2022 йилга қадар имзоланган. Италия футбол федерацияси у билан келишувни узайтирмоқчи.