ПСЖ ёзда Пьянич учун 70 млн евро сарфлаши мумкин

ПСЖ клуби "Ювентус" ярим ҳимоячиси Миралем Пьянични ўз сафига қўшиб олмоқчи. Бу ҳақда La Gazzetta dello Sport нашри хабар тарқатмоқда.

Юқоридаги манбаага кўра парижликлар 29 ёшли босниялик футболчини мавсумлар оралиғида сотиб олишга уруниб кўришмоқчи. Ушба трансфер эса уларга тахминан 70 млн еврога тушиши мумкин.

Эслатиб ўтамиз, бундан аввалроқ Пьяничга Мадриднинг “Реал” клубидан ҳам қизиқишлар мавжудлиги ҳақида хабарлар тарқалган эди.

Маълумот учун, “Ювентус” Пьянични 2016 йил “Рома”дан 32 млн евро эвазига сотиб олган эди. У жорий мавсум 40та учрашувда иштирок этди ва жамоасининг 7та голига ассистентлик қилишга эришди.