Псж йулдузи «Олтин тўп» тақдирлаш маросимини ўтказиб юбориши мумкин

«ПСЖ» ҳужумчиси Хвича Кварацхелия Чемпионлар лигасида «Барселона»га қарши ўйинда олган оғир жароҳати сабаб 2026 йилги «Олтин тўп» тақдимот маросимини ўтказиб юбориши мумкин.

Лондонда бўлиб ўтадиган тантанали маросимда грузиялик футболчининг иштирок этиши ҳозирча ноаниқ. Унинг бориши ёки бормаслиги юзасидан якуний қарор ҳали қабул қилинмаган.

20 октябрь куни «Барселона»га қарши ўйинда Кварацхелия жароҳат олган эди. Париж клуби 4:2 ҳисобида ғалаба қозонган ушбу баҳсдан сўнг ўтказилган тиббий текширув натижасида футболчининг ўнг тиззасидаги олдинги чорраҳа боғламаси узилгани аниқланди.

«Олтин тўп»ни топшириш маросими душанба, 26 октябрь куни бўлиб ўтади.