ПСЖдан кетмасам бўлмайди!

ПСЖнинг аргентиналик ҳужумчиси Мауро Икарди ёзда жамоасини ўзгартиришга қарор қилди, деб ёзмоқда RMC Sport нашри.

Манбанинг таъкидлашича, Мауро ўзига янги жамоа топишга анча қийналади. Чунки бугунги кунда катта клубларнинг бирортаси аргентиналик юлдузга қизиқаётгани йўқ. Камтарроқ ёки ўртамиёна клублар эса футболчининг маошини кўтара олмайди.

Икардига агентлик қилаётган рафиқаси Ванда Нара ўз турмуш ўртоғининг кам маошга тўп тепишига йўл қўймаслиги Мауронинг иш топишини янада қийинлаштириши тайин.

Аввалроқ, “Ювентус” Икардини ўз сафига қўшиб олмоқчи эди. Бироқ туринликлар Душан Влахович трансферини уддалаганидан кейин Маурони Туринга бошлайдиган йўллар ёпилди.

Икарди жорий мавсумда Франция чемпионатида 23 та ўйинда атиги тўртта гол урди. Унинг амалдаги шартномаси 2024 йилнинг ярмигача давом этади.