Пулишич 2023 йилда АҚШнинг энг яхши футболчиси бўлди

"Милан" ҳужумкор ярим ҳимоячиси Кристиан Пулишич АҚШда 2023 йилнинг энг яхши футболчиси деб топилди. Бу ҳақда Америка терма жамоаси матбуот хизмати хабар берди.

Клуб миқёсида Пулишич 2023 йилда "Челси" ва "Милан"да ўйнади. Жорий мавсумни оладиган бўлсак, Кристиан "россонерилар" сафида 26 та расмий ўйинда иштирок этиб, 7 та гол ва 6 та голли узатмани амалга оширди.

Айни дамда унинг жамоаси "Милан" А Серия турнир жадвалида учинчи ўринда бормоқда.