Қандай қилиб 2 та Игуаин бир жамоада тўп суриши мумкин?

АҚШнинг "Ди Си Юнайтед" клуби "Ювентус" форварди Гонсало Игуаинни ўз сафига қўшиб олмоқчи. Бу ҳақда Calciomercato нашри хабар бермоқда.

Унга кўра, аргентиналик футболчи "Ди Си Юнайтед" сафида "Дерби Каунти"га кетган Уэйн Руни ўрнини эгаллаши мумкин. Қайд этиш лозимки, ушбу жамоада Игуаиннинг акаси Федерико ҳам тўп суради.

32 ёшли Гонсало жорий мавсум “Ювентус” сафида жами 34 та ўйинда майдонга тушди ва ўз ҳисобига 8 та гол ҳамда 8 та голли узатма ёздириб қўйди.

35 ёшли Федерико эса "Ди Си Юнайтед" сафига жорий йилнинг март ойида кўчиб ўтди. У бунгача "Ривер Плейт", "Нуэву Чикаго", "Бешиктош", "Америка", "Индепендьенте", "Годой Крус", "Колон" ва "Коламбус" клубларида тўп сурган.