Qariya futbolchi Ispaniyaning mashhur klubiga o‘tmoqchi

Portugaliya terma jamoasi safida Evropa chempionatida ishtirok etgan 41 yoshli Pepe Ispaniya chempionatiga qaytish arafasida turibdi.

Tajribali himoyachining “Portu” bilan amaldagi shartnomasi yakunlangan. Erkin agentga aylangan o‘yinchi bilan “Selta” hamkorlik qilmoqchi.

Pepe aslida “Maritimu” jamoasi tarbiyalanuvchisi hisoblanadi va yurtida bu jamoadan tashqari “Portu” sharafini ham himoya qilgan.

Pepe 2007 yili “Real”ga ko‘chib o‘tdi va madridliklar safida o‘n yil davomida to‘p tepdi. Keyinchalik mashhur himoyachi “Beshiktosh”da bir yil o‘ynadi.

2018 yili “Portu” jamoasiz qolgan sobiq o‘yinchisini o‘z safiga qo‘shib olib, shu paytgacha o‘z tarkibida o‘ynatib keldi.