Қашқадарё клубини "Ўзбекнефтгаз" "қўйиб юборди". Энди уни банк молиялаштиради!

"Ўзбекнефтгаз" миллий холдинг компаниясининг "Ўзбекнефтгазқазибчиқариш" акциядорлик компанияси таркибидаги "Муборак газни қайта ишлаш заводи" эндиликда Муборакнинг "Машъал" клубини молиялаштирмайди. SPORTS.uz сайтига маълум бўлишича, жамоанинг янги ҳомийси Ўзбекистон миллий банки (NBU) бўлади.

Маълумот ўрнида, "Машъал" айни пайт Про лига 11-туридан сўнг 17 очко билан 3-поғонани банд этиб турибди. "Газчилар" охирги ўйинда "Хоразм"ни кичик 1:0 ҳисобида мағлубиятга учратди.