Қайси бири ўйнайди? Моуриньонинг боши қотиб қолди

Мадриднинг «Реал» жамоаси бош мураббийи Жозе Моуринью яқинлашиб келаётган ўйин олдидан ҳимоя чизиғининг ўнг қанотида майдонга тушадиган футболчи масаласини ҳали ҳам якуний ҳал қилгани йўқ.

The Touchline аккаунти тарқатган маълумотга кўра, португалиялик мутахассис икки номзод ўртасида танлов қилмоқда: англиялик Трент Александр-Арнолд ва нидерландиялик Дензел Дюмфрис. Қайси футболчи асосий таркибдан ўрин олиши бўйича якуний қарор яқин соатларда эълон қилиниши кутилмоқда.

Испания чемпионати — Ла Лиганинг саккизинчи туридан ўрин олган учрашувда «қироллик клуби» ўз майдонида «Вильярреал»ни қабул қилади. Бугун, 10 октябрь куни «Сантьяго Бернабеу» стадионида бўлиб ўтадиган беллашув бошланиши Тошкент вақти билан соат 23:55га белгиланган.