Қизил олган Хаусен мухлислардан узр сўради

"Реал Мадрид" марказий ҳимоячиси Дин Хаусен Клублар ўртасидаги Жаҳон чемпионати 1/4 финалидан ўрин олган "Боруссия Дортмунд"га (3:2) қарши ўйинда қизил карточка олгач, мухлисларга мурожаат қилди. Испаниялик футболчи учрашувнинг 90+6-дақиқасида майдондан четлатилди.

"Бугун бутун жамоа ажойиб ўйин кўрсатди. Майдондан четлатилганим ва кейинги ўйинда жамоага ёрдам бера олмаслигим учун узр сўрайман. Олға, Мадрид," - деб ёзди Хаусен ижтимоий тармоқдаги саҳифасида.

Дисквалификация туфайли ҳимоячи 9 июль куни ПСЖга қарши бўлиб ўтадиган Клублар ўртасидаги Жаҳон чемпионати ярим финалида иштирок эта олмайди.