"Қизилқум" 10 киши бўлиб қолган "Сўғдиёна" билан дуранг ўйнади

Ўзбекистон Coca Cola Суперлигаси 12-туридан ўрин олган "Қизилқум" - "Сўғдиёна" учрашуви ўз якунига етди. Унда жамоалар муроса кўчасини танлаб, 1:1 ҳисобидаги дурангга имзо чекишди. 

Беллашувнинг 73-дақиқасида майдонга тушган Иван Нагаев ҳакам томонидан қўшиб берилган дақиқалар бошланган бир пайтда иккинчи марта сариқ карточка ишлаб олди ва майдондан четлатилди. 

• 90'
  

  Учрашув якунланди! Ҳисоб 1:1. Матнли трансляцияни Абдулвосид Валихонов олиб борди.

• 90+'
  

  Нагаев иккинчи сариқ карточка билан майдондан четлатилди. 

• 90+'
  

  Учрашув асосий вақтига 4 дақиқа қўшиб берилди.

• 89'

  Воҳид Шодиевнинг жаримадан узатилган тўпга берган зарбаси ноаниқ бўлди.

• 89'
  

  Норхонов ўрнига Саҳоб Рашидов майдонга ташланди.

• 86'

  Жамоаларнинг ҳар иккаласи гол уришга қанчалик ҳаракат қилмасин, тўп ҳужум чизиғига етиб бориши қийин кечмоқда.

• 83'
  

  Ойбек Қиличев ўрнига Воҳид Шодиев, Қадамбой Нурметов ўрнига эса Файзулло Қамбаров майдонга тушди.

• 82'
  

  Санжар Рашидов ўрнига Аюбхон Нўъмонов майдонга тушди.

• 80'
  

  Жўраевнинг офсайдда қолиб кетгани туфайли "Қизилқум" ҳужуми барбод бўлди. 

• 78'
  

  Нагаев огоҳлантирилди.

• 77'

  Майдон марказидаги фол футболчиларга сув ичиб олиш имкониятини берди.

• 75'
  

  Норхонов бурчакдан узатилган ажойиб узатмани дарвозага жойлаб қўя олмади. Тўп ерга тегиб, дарвоза устидан ўтиб кетди.

• 73'
  

  Нагаев Жавоҳир Қаҳрамонов ўрнига майдонга тушди.

• 70'
  

  "Қизилқум"нинг бурчак зарбаси самарасиз якунланди. Ҳимоячилар яхши ҳаракат қилишди.

• 68'

  Иккала жамоа ҳам ғалаба учун жиддий ҳаракат қилмоқда.

• 65'

  "Сўғдиёна" яхши имкониятдан фойдалана олмади. Сўнгги вазиятда зарба бериш имкони топилмади.

• 64'
  

  Норхонов ўйиндан ташқари ҳолатда. Ҳужум қилиш навбати навоийликларга ўтди.

• 62'

  Колакович Ҳасановнинг узатмасини боши билан дарвозага йўллаб қўя олмади.

• 60'

  Ҳасановнинг чап қанотдан уюштирган рейди ва узатмаси Жавоҳир Қаҳрамоновнинг кучли зарбасига сабаб бўлди. Аммо ҳимоячилар ўз вақтида тўп йўлига чиқишни уддалади.

• 58'

  Норхоновнинг олис масофадан берган зарбасини Нестеров ушлаб олди.

• 55'

  Гол ўтказиб юборган "Қизилқум" футболчилари фаоллашиб қолди. "Сўғдиёна" ҳам бўш келмаяпти.

• 53'
  

  ГОООООООООООООЛЛЛЛЛЛ!!! Жўрабековнинг зарбасини Нестеров қайтарди. Қайтган тўпни эса Колакович дарвозага жойлади.

• 50'
  

  Азимов ўрнига Нурметов майдонга тушди.

• 49'
  

  Жасур Азимов жароҳат олган кўринади.

• 48'
  

  Нестеровдан дабл-сейв. Бурчак зарбасидан сўнг навоийликлар жарима майдонида тартибсизликлар юзага келди. Нестеров эса дарвозаси даҳлсизлигини сақлаб қола олди.

• 47'

  Нестеров рақибнинг яқин масофадан берган зарбасини қайтарди.

• 46'
  

  Жамшид Болтабоев ва Санъат Шихов захирага олинди. Жасур Ҳасанов ва Даниель Насриддинов уларнинг ўрнида ҳаракат қилади.

• 46'
  

  Иккинчи тайм бошланди.

• 45'
  

  Танаффус!

• 45+'

  "Сўғдиёна"нинг биринчи таймдаги сўнгги вазияти стандарт вазиятдан ҳосил бўлди. Аммо ҳимоячилар уни қайтаришди.

• 45+'
  

  Биринчи таймга 2 дақиқа қўшиб берилди.

• 45'
  

  Бойдуллаев огоҳлантирилди.

• 44'

  Тайм сўнгида жиззахликлар фаоллашди.

• 41'
  

  Санъат Шиховга тиббий ёрдам кўрсатилмоқда.

• 40'

  "Сўғдиёна"нинг жарима зарбасини ҳимоячилар бартараф этишга эришди. Бурчак зарбаси ҳам самарасиз.

• 38'

  "Қизилқум" ўтган вақт мобайнида кичик устунликка эришмоқда ва ҳақли равишда ҳисобда олдинда боряпти.

• 35'

  Салим Мустафоев ўз жарима майдони яқинидан қоидани бузди. Тўп тезкор ўйинга киритилди. Аммо энди жиззахликлар қайтадан ҳужум бошлашга мажбур.

• 32'
  

  Олег Толмасов майдон марказидаги қўполлиги учун огоҳлантирилди.

• 30'
  

  ГООООООООООООЛЛЛЛЛЛ!!! Томива ҳисобни очди. Жўраевнинг узатмасини легионер футболчи ажойиб тарзда тўхтатиб олди. Кейинги зарба эса муқаррар гол эди.

• 28'

  Маргиев узоқ масофадан зарба берди. Тўп ён чизиқдан ўйинга киритилиши керак...

• 25'

  Жасур Азимовнинг узатмаси зарбага айланиб кетди. Дарвозабон уни муаммосиз эгаллаб олди.

• 23'
  

  "Қизилқум"нинг бурчак зарбаси ҳимоячилар томонидан қайтарилди.

• 21'

  Норхоновнинг ўткир бурчакдан берган зарбасининг Нестеров майдон ташқарисига чиқиб кетишига кўмаклашиб юборди. Зарба шундоқ ҳам ноаниқ эди.

• 20'

  Норхоновнинг бош билан берган зарбаси бироз ноаниқ чиқди.

• 19'

  Саноевнинг узатмасини ҳимоячилар зарарсизлантира олишди.

• 17'

  Жўрабековнинг қанотдан узатган тўпига Норхонов зарба бера олмади.

• 16'

  Жамоалар майдон марказини эгаллаш учун ҳаракат қилмоқдалар.

• 14'

  Қиличев ҳужумда қоидани бузди.

• 11'

  Томиванинг зарбаси анчагина хавфли чиқди. Бироз ноаниқ.

• 10'

  Мустафоевнинг узатмасини жамоадоши дарвозага жойлаб қўя олмади.

• 9'

  Томива тўпга яхши зарба бера олмади. Яхшигина хавфли вазият юзага келиши мумкин эди.

• 6'

  Навоийликлар орқа чизиқда тўпни назорат қилмоқда.

• 4'
  

  Томива яхши очилиб бораётган эди. Аммо у кичик офсайдда қолиб кетган эди.

• 2'

  Дастлабки дақиқаданоқ ҳужумга ўтган жиззахликларнинг ноаниқ паси туфайли ҳужум барбод бўлди.

• 1'
  

  Ўйин бошланди.

• 0'

  Жамоалар майдонга тушиб келишди. Суперлига мадҳиялари янграб ўтди.

• 0'

  Ассалому алайкум, азиз Суперлига ихлосмандлари. 12-тур давом этади.