"Қизилқум" Самандар Шукруллаев билан шартномани узайтирди!

"Қизилқум" футболчи Самандар Шукруллаев билан янги шартнома имзолади. Бу ҳақда клуб матбуот хизмати маълум қилди.

"Ўтган мавсум жамоа таркибида муносиб ўйин кўрсатиб, навоийлик мухлислар ишончини қозонган футболчилар билан шартномаларни узайтириш жараёни давом этмоқда.

Бугун сирдарёлик марказий ҳимоячи Самандар Шукруллаев билан амалдаги шартнома яна бир йилга узайтирилди. Эслатиб ўтамиз, Самандар якунланган мавсумда клуб либосида жами 27 та учрашувда майдонга тушиб, 2 231 дақиқа ҳаракат қилган.

Янги мавсумда Самандарга жамоамиздаги фаолиятида омад ва зафарли онларни тилаб қоламиз!" — дейилади навоийликлар хабарида.