"Қизилқум" украиналик ҳужумчи билан шартнома имзолади

"Қизилқум" Роман Папарига билан шартнома имзолади, деб хабар бермоқда клубнинг матбуот хизмати. 
 
Суперлига клуби янги мавсум учун жиддий тайёргарлик кўрмоқда. Шу боис, трансферлар ойнасида фаол иштирок этиб, бир неча трансферларни амалга оширди. Бу галги футболчи эса украиналик форвард Папарига бўлди. Бундан аввал, Фарҳод Бекмуродов ва Никола Кумбурович билан ҳам келишувга эришган эди. 
 
Беларус кубоги соҳиби бўлган Роман янги мавсумда "олтин изловчилар" либосида ҳаракат қилади. Маълум бўлишича, ҳужумчи клуб билан 1 йиллик шартномага имзо чеккан. 
 
Маълумот ўрнида, 25 ёшли футболчи Абдуқодир Ҳусановнинг собиқ жамоаси ҳисобланган "Энергетик-БГУ" таркибида ҳаракат қилиб, 49 та учрашувда иштирок этган ҳолда, 5 та гол ва 11 та голли узатмага муаллифлик қилган.