"Қўқон-1912" ўз уйида имкониятни бой берди

Ўзбекистон Coca Cola Суперлигаси 15-туридан ўрин олган "Қўқон-1912" ва "Металлург" беллашув ўз якунига етди. Унда меҳмонлар 2:0 ҳисобидаги ишончли ғалабани қўлга киритишди.

Шу тариқа, бекободликлар ҳисобидаги очколар сони 28 тага етди, Ашурматов шогирдлари эса 26 очко билан қоладиган бўлди.

• 90'
  

  Учрашув якунланди. Матнли трансляцияни Абдулвосид Валихонов олиб борди.

• 90+'
  

  Асосий вақтга 4 дақиқа қўшиб берилди.

• 90'
  

  Норбеков ўрнига Синдоров майдонга тушди.

• 87'

  Норбековнинг чалқанча услубда берган зарбаси ноаниқ кетди.

• 84'

  Қутибоевнинг зарбаси ноаниқ кетди.

• 82'
  

  Бердиев ва Мерзляков ўрнига Бамба ва Азимов майдонга тушди.

• 79'
  

  Аброр Тошқўзиев ўрнига Тўлқин Эргашев майдонга тушди.

• 76'

  Бердиевнинг зарбасини Лобанов ушлаб олишга эришди.

• 74'
  

  ГОООООООООООООЛЛЛЛЛЛЛ!!! Шаҳзодбек Убайдуллаев ажойиб тарзда Эргашевни доғда қолдирди.

• 70'

  Йосовичнинг зарбаси Лобановга қийинчилик туғдирмади.

• 68'

  "Металлург" "Қўқон-1912"нинг яна бир ҳужумини қайтарди.

• 64'
  

  Зоҳид Абдуллаев ўрнига Шаҳзод Убайдуллаев ва Даврон Анваров ўрнига Худойшукур Сатторов майдонга тушди.

• 62'

  Хасановнинг зарбаси ноаниқ кетди.

• 59'
  

  "Металлург"нинг бурчак зарбасини Холмуҳаммедов қайтарди.

• 56'
  

  Филипп Раевац ўрнига Ҳамидилло Абдуҳамидов майдонга тушди.

• 53'
  

  Отахонов сариқ карточка ишлаб олди.

• 51'
  

  Холмуҳаммедов амалга оширган бурчак зарбаси ҳеч кимга насиб этмади.

• 49'
  

  Мурод Холмуҳаммедов огоҳлантирилди.

• 48'
  

  ГООООООООООООЛЛЛЛЛЛ!!! "Металлург" ҳисобни очмоқда. Аброр Тошқўзиев "Қўқон-1912" жарима майдони ичида хоҳлаганини қилди.

• 46'
  

  Иккинчи тайм бошланди.

• 45'
  

  Танаффус.

• 45+'

  Холмуҳаммедовнинг жарима зарбаси жонли деворга тегиб қайтди.

• 45+'
  

  Камолиддин Тожиев сариқ карточка олди.

• 45+'
  

  Биринчи бўлимга 1 дақиқа қўшиб берилди.

• 44'
  

  Даврон Анваров огоҳлантирилди.

• 41'

  Тайм сўнгида темп бироз тушди.

• 38'
  

  Раевац ҳам тиббий ёрдам олди.

• 36'

  "Металлург" ўйинни майдон марказига кўчиришга эришди.

• 33'
  

  Тошқўзиев тиббий ёрдам қабул қилиб олди.

• 30'

  "Қўқон-1912" футболчиларининг яна бир зарбасига аниқлик етишмади.

• 28'

  Қўқонликлар яна ҳужумда фаол ҳаракат қилишмоқда.

• 25'

  Жамоалар бироз нафас ростлаб олишди.

• 21'
  

  Ихтиёр Тошпўлатов тиббий ёрдам олмоқда.

• 19'
  

  "Металлург"нинг бурчак зарбаси яна қийинчилик билан қайтарилди.

• 18'

  "Марказий ўйингоҳ" атрофига етиб келган футбол мухлислари яхшигина шовқин кўтаришмоқда.

• 16'

  Бурчак узатмаси анча хавфли чиқди. "Металлург" фаоллашди.

• 13'

  "Қўқон-1912"нинг навбатдаги ҳужуми ҳимоячилар томонидан қайтарилди.

• 12'

  "Металлург" ҳужумда фол ишлатди.

• 11'

  Эргашев "Металлург"нинг иккинчи зарбасини қайтарди. Биринчи зарба ҳимоячиларга тегиб қайтган эди.

• 10'

  "Қўқон-1912" стадионининг ҳолати чиндан ҳам ачинарли.

• 9'
  

  Бурчак тўпи бесамар кетди.

• 8'
  

  Муҳаммаданас Хасановнинг ўнг қанотдан уюштирган рейди ва зарбаси жуда хавфли чиқди. Лобанов бир амаллаб уни қайтара олди.

• 5'

  Асосан, қўқонликлар ҳужумда фаоллик намойиш этмоқда.

• 3'

  Камолиддин Тожиев жарима майдонига етказилган тўпни узоқлаштира олди.

• 1'

  Биринчи зарба қўқонликларда. Анча ноаниқ.

• 1'
  

  Ўйин бошланди.

• 0'

  Жамоалар майдонга тушиб келишмоқда. Суперлига расмий мадҳияси янграмоқда.

• 0'

  Суперлига ушбу турининг марказий учрашувларидан бирига хуш келибсиз.

• 0'

  Ассалому алайкум, Суперлига ихлосмандлари.