"Қўқон-1912" Суперлиганинг 1-даврасини қандай ўтказди?

"Қўқон-1912" жамоаси Coca Cola суперлигасининг 1-давра ўйинларини муносиб тарзда ўтказиб, 13 учрашувда 25 очко жамғарди. Бу натижа ушбу жамоани турнир жадвалида 3-ўринни қўлга киритишига сабаб бўлди.

Бахтиёр Ашурматов шогирдлари 1-давранинг 8та учрашувида ғалаба қозонди, 1 учрашувда дуранг ҳамда 4 та ўйинда мағлубият қайд этилди.

"Шунқорлар" 1-даврада рақиблар дарвозасига 23 та тўп киритиб, ўз дарвозаларидан 12 та тўп олиб чиқди. Тўплар нисбати +11. Жамоа сардори, стандарт вазиятлар устаси Мурод Холмуҳаммедов 1-даврада 11 та ўйинда майдонга тушиб , рақиблар дарвозасига 8та гол урди ҳамда 3 та голли узатмани амалга оширди. Мурод Холмуҳаммедов бу кўрсаткичлар билан суперлига тўпурарлар баҳсида етакчилардан бири бўлиб турибди.

Қуйида 1-давра ўйинларида "Қўқон-1912" жамоаси киритган голларга кимлар муаллифлик қилгани ҳақида маълумотни эътиборингизга тақдим қиламиз.

1-даврада ким нечта гол урди ?

1.Мурод Холмуҳаммедов 8 та
2. Филип Райевац 2 та
3. Бобур Акбаров 2 та
4. Шоҳназар Норбеков 1 та
5. Қувондиқ Рўзиев 1та
6. Суҳроб Бердиев 1 та
7. Хамидилло Абдухамидов 1та
8. Александр Мерзляков 1 та
9. Якуба Бамба 1та
10. Иван Йосович 1 та
11. Сардор Азимов 1 та
12. Собит Синдаров 1та
13. Муҳаммаданас Хасанов 1та
14. Отабек Ҳайдаров 1та