Қудратилло Абдуқаҳҳоров фаолиятидаги 18-жангини ўтказди
Унга пуэрто-рикалик боксчи рақиблик қилди.
Профессионал бокснинг ярим ўрта (66.6 кг) вазн тоифасида ўз жангларини ўтказаётган ҳамюртимиз узоқ танаффусдан сўнг, яна рингга кўтарилди. АҚШда ўтказилган ушбу жангда Абдуқаҳҳоровга пуэрто-рикалик Хавьер Флорес (15-3) рақиблик қилди.
Қувонарлиси, юртдошимиз жангнинг 8-раундида рақибини техник нокаутга тушира олди ва мағлубиятсиз одимини давом эттирди. Яъни, Абдуқаҳҳоров профессионал фаолиятидаги 18-ғалабасига эришди. Шу вақтга қадар, у 17 та жангнинг барчасида зафар қучганди. Шунингдек, юртдошимиз Сампсон Левкович бошчилигидаги янги промоутерлик компанияси ташкил қилиб берган илк жангида рингга кўтарилди.
Мазкур ғалаба билан боксчимиз ва унинг мураббийларини муборакбод этамиз!
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар