Рабьо Мбаппенинг ҳолати ҳақида гапирди

"Евро-2024"нинг биринчи туридан ўрин олган Австрия - Франция учрашувида Дешам шогирдлари минимал 1:0 ҳисобида зафар қучди. 

Ўйиндаги ягона гол биринчи тайм сўнггида урилди. Сариқ карточка олган Вёбер ўз дарвозасини ишғол қилиб қўйди. 

Беллашув якунланиши арафасида французлар етакчиси Килиан Мбаппе бурнидан жароҳат олди. Ярим ҳимоячи Рабьо шеригининг ҳолати ҳақида фикр билдирди: 

- Мбаппеда ҳаммаси жойида. У 3-турга қадар тайёр бўлиши мумкинлигини айтди. 

Қайд этиш лозим, Франция терма жамоаси кейинги турда Нидерландияга қарши майдонга тушади. 3-турда эса уларни Польшага қарши беллашув кутиб турибди.