Раҳмонов ва Махачев ярим ўрта вазнда жанг қиладими?

Ярим ўрта вазн тоифасидаги қозоғистонлик жангчи Шавкат Раҳмонов енгил вазн тоифасида (70 кг) амалдаги UFC чемпиони россиялик Ислом Махачев билан 77 кг да жанг ўтказишмоқчилигини айтди. 

“Ислом Махачев ярим ўрта вазн тоифасига ўтишни режалаштиряптими, йўкми, билмайман. У кейинги жангида чемпионлик унвонини ҳимоя қилиши керак. Агар Ислом ғалаба қозонса, мен у билан курашишга қарши эмасман”, – деди Шавкат You Tube даги Submission Radio  каналига берган интервьюсида.

Маълумот учун, Шавкат Раҳмонов ҳисобида 18 та ғалаба мавжуд бўлиб, уларнинг барчаси муддатидан аввал қўлга киритилган.