Рамос
Ads

"Реал" ҳимоячиси Серхио Рамос 4 та ўйинга дисквалификация қилиниши мумкин. Бу ҳақда Diario Sport нашри хабар бермоқда.

Юқоридаги манбаага кўра Ла Лига тартиб-интизом қўмитаси 33 ёшли испаниялик футболчининг куни кеча бўлиб ўтган “Атлетико”га (0:0) қарши Мадрид дербисида қилган хатти-ҳаракатларини ўрганмоқда. Гап шундаки, Рамос шу куни учрашув ҳаками билан жуда қўпол муамалада бўлган, хатто унинг онасини турли бемаъни сўзлар билан ҳақорат қилган.

Агар тартиб-интизом қўмитаси Рамосни жиддий жазоласа, у ҳолда Серхио  чемпионатнинг "Гранада", "Мальорка", "Барселона" ва "Леганес"га қарши ўйинларини ўтказиб юборади.

Эслатиб ўтамиз, ўтган мавсум ҳам юқоридагинга ўхшаш ҳолат юз берган эди. Аниқроғи, "Барселона" - "Атлетико" (2:0) баҳсида “матрасчилар” форварди Диего Коста учрашув ҳакамининг онасини турли ҳақоратли сўзлар билан сўккани учун 8 та ўйинга дисквалификация қилинган эди.