Рамос фаолиятида муҳим аҳамият касб этган мураббийларни санаб ўтди

Мадриднинг "Реал" клуби ҳимоячиси Серхио Рамос фаолияти давомида муҳим аҳамият касб этган мураббийлар ҳақида гапирди.

“Фаолиятимдаги энг муҳим мураббий - Хоакин Капаррос. Айнан у менга Ла Лигада ўйнаш ва орзуларимга эришишимга имкон берган.  Кейинги ўринда эса Луис Арагонес. У мени илк бор терма жамоага чақирди. Сўнгги йилларда эса Анчелотти ва Зидан бўлиши мумкин. Чунки, мен улар билан Чемпионлар лигасида ажойиб дамларни бошдан кечирдим”, - дейди 33 ёшли испаниялик футболчи.

Маълумот учун, Рамос асли “Севилья” клуби тарбияланувчиси ҳисобланади. У “Реал” сафида 2005 йилдан буён тўп суриб келмоқда. У ҳозиргача жами 23та мусобақада ғолиб чиқди. Шуларнинг 3таси Испания терма жамоаси сафида қўлга киритилган.