"Raqibga qoyil qolish kerak" yoxud Kolosovskiy "Lokomotiv"ning yana ochko yo‘qotganiga qanday izoh berdi?

  • 8 iyun, 00:26
  • Shuhratbek Jo’rayev
  • 0
  • Futbol
CHERY AUTO

Pro liganing yaqqol favoriti hisoblangan "Lokomotiv" klubi oxirgi paytlarda negadir o‘ziga o‘xshamayapti. O‘tgan turda Toshkentda "FarDu" bilan 0:0 o‘ynagan "Temiryo‘lchilar" bu safar mehmonda "Jayxun"ni yutolmadi - 1:1. 

Tecno

O‘yindan keyin "Lokomotiv" matbuot xizmati klub bosh murabbiyi Grigoriy Kolosovskiyning fikrlarini taqdim qildi.

"Biz juda yomon o‘ynadik. Bunday maydonda albatta, mezbon jamoaning ustunligi bo‘ladi. Sun’iy maydondagi to‘p sakrashi boshqacharoq bo‘ladi. Raqiblar katta kuch bilan o‘ynashdi, biz esa yana raqibga to‘g‘ri baho bera olmadik. Mana natija. "Bunyodkor"ga qarshi o‘yindan keyin biz chuqurlikka tushib qoldik. Ketma-ket ikkinchi o‘yinda g‘alaba qozona olmayapmiz. Shuningdek, hakamlik ham bu erda alohida mavzu. Tanaffusdan keyin hakam tarkibni tenglashtirib qo‘ydi. Bu vaziyatda sariq ko‘rsatmasa ham bo‘lardi. Raqiblar esa bizning futbolchilarni qo‘li bilan to‘xtatib qolaverdi, bunga kartochka berilmadi, ba’zida xushtak chalinmadi. G‘alati hakamlik. Menga nima sababdan sariq kartochka berdi, tushunmadim. Maydonga tushib ketdim, buning barchasi hissiyotlar bilan bog‘liq.

- Birinchi davrada 4:0 hisobida mag‘lub qilingan, bugun esa durang qayd etgan raqibingiz "Jayxun"ga qanday baho bera olasiz?

- Raqiblarning muxlislari ham o‘yinga yaxshi tayyorlanibdi. Jamoa juda yosh, to‘p bilan o‘ynashni yaxshi ko‘radi. Ularga pressing uyushtirishga harakat qildik. Biroq qaerdadir bu o‘xshadi, qaerdadir yo‘q. Ular bugun g‘alabaga yaqinroq edilar. Ikki marta darvoza ustun va to‘sinini poylashdi. Bizda ham vaziyatlar bo‘ldi. Shunchaki, o‘z vaziyatlarimizni urishimiz kerak. O‘tkazib yuborilgan golda himoyachilarimiz juda qo‘pol xatoga yo‘l qo‘ydi. Menimcha buning barchasi maydonning holati bilan bog‘liq. Bunday holatdagi maydonda to‘pni olib yurish juda qiyin.

- Bugungi o‘yindagi harorat haqida fikringiz.

- Ha, ob-havo kabi o‘yin ham yondi. Futbolchilar jang qilishdi. Gap yo‘q. Raqiblarga qoyil qolish kerak.

 

Fikrlar

Sort comment:
Fikr qoldirish uchun avtorizatsiyadan o'ting!