Расман! Аарон Рэмзи бошқа жамоага ўтди

"Ювентус" клуби ярим ҳимоячиси Аарон Рэмзи мавсумнинг қолган қисмини Глазго "Рейнжерс"да ўтказади. Бу ҳақда клуб расмий сайти хабар тарқатмоқда.

Юқоридаги манбага кўра, шотланд гранди 31 ёшли уэльслик футболчини кейинчалик сотиб олиш ҳуқуқи билан ярим йилга ижарага олган.

Маълумот учун, Рэмзи "Ювентус" сафига 2019 йил “Арсенал”дан келиб қўшилган эди. У ўтган давр мобайнида туринликлар таркибида жами 70 та ўйинда майдонга тушди ва 6 та гол ҳамда 6 та голли узатмага муаллифлик қилди. Аарон Уэльс терма жамоасида 71 та ўйинда иштирок этган ва ўз ҳисобига 20 та гол ёздириб қўйган.