Расман! Азар футболчилик фаолиятини якунлади

Расман Эден Азар футболчилик фаолиятини якунлаганини маълум қилди. 32 ёшли вингер яқиндагина "Реал" билан шартномасини бекор қилиб, эркин агентга айланганди. 

Азар ёзда унга яхши таклиф тушмаса, фаолиятини якунлаши борасида миш-мишлар чиққанди. Унга Бельгия ва Германия клублари қизиқиш билдирди. 

Эслатиб ўтамиз, Эден 2019 йили "Челси"дан "Реал"га 115 миллион евро эвазига кўчиб ўтганди. У бутун фаолияти давомида 749 та ўйинда майдонга тушиб, 200 марта рақиблар дарвозасини ишғол қилиб, 190 та ассист амалга оширди.