Расман! "Боруссия" бош мураббийи истеъфога чиқди

Расман "Боруссия" бош мураббийи Эдин Терзич ўз хоҳишига кўра, истеъфога чиқди. Бу ҳақида клуб ўз саҳифаси орқали маълум қилмоқда.

2018 йили Дортмунд жамоасига келган мутахассис дастлаб Льюсен Фаврга ёрдамчи мураббий, кейин техник директор вазифасини бажарди. 2022 йилдан кейин эса бош мураббийга айланди. 

"Боруссия" Чемпионлар лигасида ҳеч ким кутмаган ҳолатда чемпион бўлишга яқин келди. Аммо финалда "Реал"га мағлуб бўлган немислар Бундеслигада 4-ўринни қўлга киритишди. 

Миш-мишларга кўра, мураббий раҳбариятга кетишини ўзи сўраган, лекин бунинг сабаблари аниқ эмас.