Расман! "Челси" 38 ёшли Силва билан шартномани узайтирди

“Челси” ўзининг бразилиялик ҳимоячиси Тиаго Силва билан шартномани узайтирди. Бу ҳақда клуб расмий сайти хабар тарқатмоқда.

Манбага кўра, “аристократлар” 38 ёшли футболчи билан амалдаги шартномани 2024 йилнинг июнига қадар узайтирган. Шундан келиб чиқадики, Силва камида яна бир мавсум Лондон гранди сафида қолади.

Эслатиб ўтамиз, Тиаго 2020 йилдан буён “Челси”да тўп суриб келмоқда. У “аристократлар” сафида Чемпионлар лигаси, Европа суперкубоги ва клублар ўртасидаги жаҳон чемпионатида ғолиб чиқди.

Силва ушбу мавсум "Челси" сафида барча мусобақаларда жами 24 та ўйинда майдонга тушиб, 2 та голли узатмани амалга оширди.