Расман! "Челси" Англиядаги энг қиммат трансферни амалга оширди

«Челси» клуби «Астон Вилла» ҳужумчиси Морган Рожерс билан шартнома имзолаганини расман эълон қилди. Бу ҳақда лондонликлар расмий сайтида хабар берилди.

23 ёшли футболчи янги жамоа билан 2033 йилгача мўлжалланган узоқ муддатли шартнома тузди.

- Жуда ҳам хурсандман. Мен учун «Челси» – Лондоннинг энг йирик клуби, болалигимдан ҳавас билан кузатиб келган жамоам. Янги бош мураббийнинг лойиҳаси, бу ерда тўпланган таркиб ва клуб танлаган йўналиш мени илҳомлантиради. Шунинг учун ҳам бу ердаман ва иш бошлашни сабрсизлик билан кутяпман, – деди Рожерс имзодан сўнг.

«Астон Вилла» сафида Рожерс 125 та ўйин ўтказиб, 31 та гол урди ва яна 29 марта голли ҳаракатлар муаллифи бўлди. У ўтган мавсумда жамоа билан бирга Европа Лигаси ғолиблигини қўлга киритган.

Рожерс Англия терма жамоаси таркибида 22 та ўйинда майдонга тушган ва 1 та гол урган. Transfermarkt маълумотларига кўра, унинг «Челси»га ўтиши 137,3 миллион евро атрофида баҳоланган.