РАСМАН! Энтони Джошуанинг янги рақиби номи эълон қилинди.

Энтони Джошуа Роберт Хелениусга қарши жанг қилади.
Оғир вазнда собиқ IBF, IBO, WBO ва WBA Super камарлари соҳиби британиялик Энтони Джошуа (25-3, 22 КО) бу ҳафта сўнггида Лондоннинг O2 Arena саройида ташкил этиладиган бокс оқшомида финлядиялик Роберт Хелениусга (32-4, 21 КО) қарши жанг қиладиган бўлди. Бу ҳақида Matchroom Boxing промоутерлик компанияси раҳбари Эдди Хирн маълум қилди.

Аслида, Джошуага рақиб сифатида сал олдинроқ ҳамюрти, оғир вазнда собиқ WBC Interim камари соҳиби Диллиан Уайт (29-3, 19 КО) рақиб сифатида танланган эди. Аммо, Уайт допинг тестидан ўта олмаганлиги сабабли ушбу жангдан четлатилди.
ЭйДжей сўнгги жанггини ушбу йилнинг 1-апрелида америкалик Джермейн Франклинга (22-2, 14 КО) қарши ўтказган ва очколар ҳисобига кўра ғалаба қозонган эди. Хелениус эса саноқли кунлар олдин, аниқроғи, 5-августда ҳамюрти Мика Миелоненга (6-1, 6 КО) қарши жанг ўтказиб, учинчи раундда рақибини нокаутга учратган эди.