Ҳусанов қанча оляпти? “Манчестер Сити” футболчилари маоши эълон қилинди
“Манчестер Сити” янги мавсумга жиддий тайёргарлик кўрмоқда. Йил бошидан бери таркибда жиддий ўзгаришлар қилган Хосеп Гвардиола жамоасини яна совринлар учун курашга қайтаришни мақсад қилган.
Аслини олганда, испаниялик мутахассис бошчилигидаги мураббийлар штаби жамоа ўзагини шакллантириб, яқин келажакда қайси футболчиларга суянишини аниқлаб бўлди. Айни пайтда спорт директори Уго Виана кетиши керак бўлган футболчилар трансфери ва айрим ёш ўйинчиларнинг маҳоратини ошириш учун уларни ижарага жўнатиш бўйича иш олиб бормоқда.
Нуфузли манбалардан бири – lentedesportiva.com сайти эксперти Оливер Обел “Манчестер Сити” футболчиларининг 2025 йил давомида олаётган маошлари ҳақида маълумот чиқарди.
Sports.uz портали ушбу мақолани ўзбекистонлик футбол ишқибозлари эътиборига ҳавола этади.
“Манчестер Сити” таркиб шакллантиришда молиявий имкониятлари ва узоқ муддатли стратегияга асосланади. Гарчи клубда Эрлинг Холанд улкан сумма билан маошлар жадвалида биринчи қаторни эгаллаб турган бўлса, таркибда нисбатан камтар ҳақ олаётган, бироқ жуда катта салоҳиятга эга ёш юлдузлар ҳам ўз рейтингини ошириб боришга ҳаракат қилмоқда.
Қуйида 2025 йил давомида энг кам маош олаётганлардан бошлаб, энг катта маблағ топаётган ўйинчиларгача бўлган рейтингни мухлислар эътиборига ҳавола этамиз. Маошлар ҳафталик кўрсаткичлар асосида кўрсатилган.
28 – Жош Уилсон-Эсбранд (ҳафтасига £7,000)
Клубнинг маоши энг кам ўйинчиси. 2027 йилнинг ёзигача давом этадиган шартномага эга футболчи асосий таркибдан жой олиши учун анча курашиши талаб этилади.
27 – Жеймс МакЭйти ( ҳафтасига £15,000)
Академия тарбияланувчиси юқори техника соҳиби ҳисобланади. 2026 йилнинг ёзида тугайдиган шартномасини узайтириш чоғида юқорироқ хизмат ҳақига эга бўлиши табиий.
26 – Клаудио Эчеверри (ҳафтасига £15,000)
Аргентиналик ҳужумкор футболчининг салоҳияти юқори. 19 ёшли футболчининг шартномаси 2028 йилнинг ярмигача тузилган.
25 – Абдуқодир Ҳусанов (ҳафтасига £20,000)
Жисмонан бақувват ўзбек ҳимоячисининг шартномаси 2029 йилнинг ёзигача тузилгани клуб унинг ҳали янада ўсиши ва ривожланишидан умидвор эканини кўрсатмоқда.
24 – Рико Льюис (ҳафтасига £25,000)
Клуб академиясидан чиққан энг иқтидорли ўйинчилардан. Ҳозирги даражаси маошининг оширилиши вақт масаласи эканидан далолат беради.
23 – Витор Рейс (ҳафтасига £40,000)
Ёш бразилиялик ҳимоячи 2029 йилнинг ёзигача “Сити” билан боғланган. Ҳали ўзини кўрсатишидан умид қилиняпти.
22 – Савио (ҳафтасига £40,000)
Тезкор, техникаси зўр ҳужумкор футболчи. Яқин мавсумларда ҳужум чизиғининг муҳим фигурасига айланади.
21 – Жереми Докю (ҳафтасига £50,000)
Асосий таркибнинг муқим ўйинчиси бўлганига қарамай, кам маошга ўйнаяпти. Тезкорлиги ва дриблинги билан жамоага фойда келтиради.
20 – Оскар Бобб (ҳафтасига £50,000)
Ижодкор футболчи, тўпни хотиржам бошқаради. Ҳали тўрт йиллик шартномаси бор.
19 – Нико Гонсалес (ҳафтасига £60,000)
Ўзига ишончи юқори бўлган бу ярим ҳимоячи ҳам 2029 йилнинг ёзигача Манчестерда қолади.
18 – Штефан Ортега Морено (ҳафтасига £90,000)
Ишончли дарвозабон асосан кубок ўйинларида дарвозани қўриқлаб келади.
17 – Эдерсон (ҳафтасига £100,000)
Жамоанинг асосий дарвозабони ҳам ўз даражасига нисбатан камроқ маош олади. Унинг шартномаси келаси ёз тугайди.
16 – Матеус Нуньес (ҳафтасига £130,000)
Ҳар қандай тактикага мослаша оладиган ўйинчи.
15 – Матео Ковачич (ҳафтасига £150,000)
Ротациянинг муҳим ўйинчиси, Чемпионлар лигасида бой тажриба тўплаган.
14 – Калвин Филлипс (ҳафтасига £150,000)
Нисбатан катта маош олаётганига қарамай, майдонда жуда кам кўриниш беради.
13 – Натан Аке (ҳафтасига £160,000)
Ақлли ва кўпфункцияли ҳимоячи. Шартномаси якунланишига икки йил бор.
12 – Мануэль Аканжи (ҳафтасига £180,000)
Гвардиола тизимига жуда мос тушган асосий ҳимоячилардан бири.
11 – Рубен Диаш (ҳафтасига £180,000)
Ҳимоя етакчиларидан, ишончли ва барқарор ўйинчи.
10 – Йошко Гвардиол (ҳафтасига £200,000)
Келажакнинг энг асосий ҳимоячиси. Ҳозирдан таркибда муқим ўрнига эга.
9 – Родри (ҳафтасига £220,000)
Клуб тарихидаги энг барқарор ўйинчилардан бири. Ўйин темпини назорат қилиб туради.
8 – Фил Фоден (ҳафтасига £225,000)
Клуб тарбияланувчиси ва жамоада энг таъсири кучли футболчилардан ҳисобланади.
7 – Илкай Гюндоған (ҳафтасига £230,000)
Тажрибали ярим ҳимоячи энг муҳим учрашувларда ўзини кўрсата олади.
6 – Тижани Рейндерс (ҳафтасига £230,000)
Янги ярим ҳимоячи яқин келажакда майдон маркази етакчисига айланиши керак. Шартномаси 2030 йилнинг ярмигача давом этади.
5 – Жон Стоунз (ҳафтасига £250,000)
Гвардиола ўйин тизимида муҳим фигуралардан. Ҳимоячи ва ярим ҳимоячи сифатида ўйнай олади.
4 – Умар Мармуш (ҳафтасига £295,000)
Қишда олинган янги ҳужумчи жуда тезкор, тиниб-тинчимас ва ностандарт услубга эга.
3 – Бернарду Силва (ҳафтасига £300,000)
Универсал футболчи сифатида марказда ҳам, қанотларда ҳам ўйнай олади. Гвардиола энг ёқтирган ўйинчилардан.
2 – Жек Грилиш (ҳафтасига £300,000)
Энг катта маош олаётганлардан бири. Тўпни назорат қилиш ва ҳужум темпини назорат қилиш қобилиятига эга.
1 – Эрлинг Холанд (ҳафтасига £525,000)
Клуб тарихида энг катта маош олаётган футболчи. Унинг шартномаси 2034 йилнинг ярмигача давом этади. Бу муддат ичида кўпмиллионли бонуслар ҳам кўзда тутилган. Майдонда ҳам, маркетинг йўналишида ҳам асосий юлдуз.
Фикрлар